რუსთავის დამოუკიდებელი ინსტიტუტი

რუსთავის დამოუკიდებელი ინსტიტუტი დაარსდა 1992 წლის 3 ივლისს საქართველოს რესპუბლიკის განათლების მინისტრის ნებართვით, ლიცენზია №01–17/880, ხოლო 2009 წლის ნოემბერში შეიცვალა საზოგადოების სახელწოდება და ნაცვლად “ რუსთავის დამოუკიდებელი ინსტიტუტი “ ეწოდა შპს“ რუსთავის კოლეჯი“. “ რუსთავის კოლეჯი “ წარმოადგენს “ რუსთავის დამოუკიდებელი ინსტიტუტის“ უფლებამონაცვლეს.

წესდება

შინაგანაწესი

ნორმატიული დოკუმენტები

კატალოგები

უმაღლესი საგანმანათლებლო დაწესებულების აკრედიტაციის საბჭოს 2009 წლის 24 დეკემბრის №16 სხდომის ოქმის შესაბამისად შპს “რუსთავის კოლეჯს “ მიენიჭა ინსტიტუციური აკრედიტაცია.

“უმაღლესი განათლების შესახებ “ საქართველოს კანონში შესული ცვლილებების შესაბამისად საქართველოში არსებობს შემდეგი უმაღლესი საგანმანათლებლო დაწესებულებები: კოლეჯი, სასწავლო უნივერსიტეტი და უნივერსიტეტი.

" რუსთავის კოლეჯი" არის უმაღლესი საგანმანათლებლო დაწესებულება რომელიც ახორციელებს აკადემიური უმაღლესი განათლების მხოლოდ პირველ საფეხურს- ბაკალავრიატის 240 კრედიტიან საგანმანათლებლო პროგრამას. პროგრამის დასრულების შემდეგ კურსდამთავრებულს ენიჭება ბაკალავრის კვალიფიკაცია და გაიცემა ბაკალავრის დიპლომი. საბაკალავრო პროგრამის კურსდამთავრებულს აქვს უფლება სწავლა გააგრძელოს მაგისტრატურაში.

რუსთავის კოლეჯში ბაკალავრიატის პროგრამაზე დაშვება ხორციელდება ერთიანი ეროვნული გამოცდების საფუძველზე, რომლის ჩატარებას უზრუნველყოფს საჯარო სამართლის იურიდიული პირი – გამოცდების ეროვნული ცენტრი.

რუსთავის კოლეჯში მოღვაწეობენ კვალიფიცირებული პროფესორ– მასწავლებლები. აქ ყველა პირობაა შექმნილი, რომ სტუდენტები საფუძვლიან ცოდნას დაეუფლონ. ბიბლიოთეკაში სპეციალობების შესაბამისად მოიპოვება უახლესი ლიტერატურა. მათ განკარგულებაშია კომპიუტერული კლასი, კაბინეტ–ლაბორატორიები. აღსანიშნავია ის ფაქტი, რომ პედაგოგთა უმეტესობა მუშაობს გახსნის დღიდან და დღემდე ემსახურებიან რუსთაველი ახალგაზრდობის სწავლა– აღზრდის საქმეს.

რუსთავის კოლეჯი 2010/2011 სასწავლო წლისათვის
აცხადებს მიღებას შემდეგ სპეციალობებზე

I ფაკულტეტი – ბიზნესი და მართვა. სპეციალობა: საფინანსო, საბანკო და სადაზღვევო საქმე. სწავლების ენა- ქართული,240 კრედიტი. წლიური გადასახადი - 2700 ლარი, ჩასარიცხი კონტიგენტი –35.

II ფაკულტეტი – ჰუმანიტარული მეცნიერებანი. სპეციალობა: ფილოლოგია, ინგლისური ენა და ლიტერატურა. სწავლების ენა - ქართული, 240 კრედიტი. წლიური გადასახადი - 2250 ლარი, ჩასარიცხი კონტიგენტი- 25.

რუსთავის კოლეჯი მდებარეობს საქართველოს უმნიშვნელოვანეს რეგიონში, ქვემო ქართლში, ქ. რუსთავში,გაგარინის ქ.№ 8. რუსთავი თბილისიდან 19 კმ-ის მანძილზეა, თვითონ ქვემო ქართლი კი საქართველოს სასაზღვრო რეგიონია, სადაც ადგილობრივი ქართველი მოსახლეობის გარდა სხვა ეროვნებებიც სახლობენ. ყოველივე ეს კი ამ რეგიონში მოსწავლე ახალგაზრდობისათვის სწავლების მოწინავე ტექნოლოგიებსა და მეთოდოლოგიაზე დაფუძნებული უმაღლესი განათლების კერის არსებობასა და ეფექტიანობას განაპირობებს.

რუსთავის კოლეჯი არის სტუდენტთა და პროფესორთა კავშირი - საგანმანათლებლო და სამეცნიერო დაწესებულება, სადაც სტუდენტების, პროფესორ-მასწავლებლებისა და მკვლევარების თანამშრომლობით იქმნება აკადემიური და პროფესიული განათლების ერთიანი სივრცე, რომელიც ემყარება სამ პრინციპს: 1. აკადემიურ თავისუფლებას; 2. სინდისის თავისუფლებას; 3. არჩევანის თავისუფლებას. ეს პრინციპები ურთიერთშექცევადია და განაპირობებს ერთმანეთს.

სტუდენტები, მასწავლებლები, მკვლევრები და პროფესორები თავისუფალნი არიან აირჩიონ კვლევისა და შესწავლის სფეროები, მიმართულებები, აგრეთვე თანამშრომლები და ხელმძღვანელები; არავის აქვს უფლება, პოლიტიკური ან მორალური მოსაზრებებიდან გამომდინარე, აუკრძალოს სტუდენტებს, პროფესორ-მასწავლებლებს ან მკვლევრებს რაიმეს შესწავლა და სამეცნიერო დასკვნების გამოქვეყნება. სტუდენტები და პროფესორები თავისუფალნი არიან, აირჩიონ გამჭვირვალე და ანგარიშვალდებული თვითმმართველობის ნებისმიერი ფორმა, რომელიც, მათი აზრით, საუკეთესოდ შეესაწყისება მათი კავშირის – რუსთავის კოლეჯის– საერთო მიზნებს და ამოცანებს.რუსთავის კოლეჯის მიზანია ცოდნის დანერგვა - გავრცელება და მისი უშუალოდ რეალურ სიტუაციაში გამოყენების სტიმულირება სტუდენტებს შორის, რაც ორიენტირებულია მათი პიროვნული პოტენციალისა და შემოქმედებითი შესაძლებლობების რეალიზაციის შედეგად საზოგადოების საჭიროებებსა და მოთხოვნებზე, რათა ჩამოუყალიბოს თავის სტუდენტებს საჭირო კომპეტენცია ახალი ათასწლეულის მოთხოვნათა გათვალისწინებით. ამით განისაზღვრება რუსთავის კოლეჯის მისია.

ეს, შეიძლება ითქვას, არის რუსთავის კოლეჯის დანიშნულება ქვეყნის უმაღლესი განათლების სივრცეში, პასუხობს მოცემულ ეტაპზე არსებულ სახელმწიფოებრივ და საზოგადოებრივ მოთხოვნებს. რუსთავის კოლეჯის საქმიანობა შეესაბამება და ეყრდნობა საქართველოს განათლებისა და მეცნიერების სამინისტროს მიერ შემუშავებულ სააკრედიტაციო მისიას, რომელსაც იზიარებენ და უზრუნველყოფენ რუსთავის კოლეჯის მართვის ორგანო, ადმინისტრაცია, აკადემიური პერსონალი და სტუდენტები.

ჩვენ შესახებ

სიახლე

ბოლო განახლება: 25/06/2010